एजेन्सी । ऐश्वर्या राय अभिनित फिल्म ‘पोन्नियिन सेल्वन २’ ले रिलिजको चौथो दिनमा विश्वव्यापी बक्स अफिसमा २०० करोडको कलेक्सन पूरा गरेको छ ।
निर्देशक मणिरत्नमको मनोरन्जन कम्पनी मद्रास टकीजले सामाजिक सञ्जाल पोस्टमार्फत फिल्म २०० करोड क्लबमा प्रवेश गरेको जानकारी दिएको हो । फिल्म २८ अप्रिलमा बक्स अफिसमा रिलिज भएको थियो ।
मद्रास टकिजको ट्विटर ह्यान्डलले फिल्मको कमाई बताउदै एउटा छोटो भिडियो क्लिप साझा गर्दै लेखेको छ – पिएस २ ले ठूलो फड्को मारेको छ । फिल्मले विश्वभर बक्स अफिसमा २०० करोडको आँकडा पार गरिसकेको छ ।’
पोन्नियिन सेल्वन २ २०२२ को चलचित्र पोन्नियिन सेल्वनको सिक्वेल हो । यो फिल्म कल्कि कृष्णमूर्तिको उपन्यास पोन्नियिन सेल्वनमा आधारित छ । यो फिल्म पोन्नियिन सेल्वन कल्की कृष्णमूर्तिको उपन्यासको तीन भागमा आधारित थियो । जबकि, पोन्नियन सेल्वन २ बाँकी दुई भागमा आधारित छ ।
चलचित्रमा ऐश्वर्या राय, विक्रम, तृषा, जयराम रवि, कार्थी, ऐश्वर्या लक्ष्मी, शोभिता धुलीपाल, प्रकाश राज, जयम, प्रभु, आर सरथकुमार, पार्थिवन, विक्रम प्रभु जस्ता कलाकारले चोल साम्राज्यको कथालाई अगाडि बढाएका छन् ।
फिल्मलाई अभिनेता कमल हसनले न्यारेशन गरेका छन् । फिल्ममा एआर रहमानले संगीत दिएका छन् । फिल्मलाई मणिरत्नमको मद्रास टकीज र सुभास्करनको लाइका प्रोडक्सनले संयुक्त रुपमा निर्माण गरेको हो ।
