काठमाडौं । ईन्डियन प्रिमियर लिग (आईपीएल) मा आज कोलकाता नाइट राइडर्स र रोयल च्यालेन्जर्स बैंगलोर भिड्दैछन् । बेंग्लोरको घरेलु एम चेन्नास्वामी क्रिकेट स्टेडियममा हुने खेल नेपाली समयअनुसार बेलुका ७ः४५ बजेबाट सुरु हुनेछ ।
कोलकत्ता आफ्नो लगातार हारको शृंखला तोड्न चाहन्छ । कोलकत्ता पछिल्लो चार खेलमा लगातार पराजित हुँदै आएको छ । कोलकत्ता सात खेलमा दुई जित र पाँच हारका साथ आठौं स्थानमा रहेको छ ।
बेंग्लोर पनि यस खेलमा जित हात पारी अंक तालिकामा आफ्नो स्थान बढाउन चाहन्छ । बेंग्लोर ७ खेलमा चार जित र तीन हारका साथ अंक तालिकाको पाँचौं स्थानमा रहेको छ ।
पछिल्लो खेलमा बेंग्लोरले राजस्थानलाई हराएको थियो भने कोलकत्ता चेन्नाई सुपर किंग्ससँग पराजित भएको थियो ।
यि दुई टोलीबीचको पछिल्लो पाँच भेटमा कोलकत्ता बलियो देखिएको छ । पाँच खेलमा तीन पटक कोलकत्ता विजयी हुँदा बेंग्लोरले दुई खेलमा जित हात पारेको छ ।
यहि सिजनको पहिलो भेटमा कोलकत्ताले बेंग्लोरलाई ८१ रनको फराकिलो अन्तरले हराएको थियो ।
