जनकपुरधाम । महोत्तरीमा बसको ठक्करबाट मोटरसाइकलमा सवार रहेका एकै परिवारका तीनजनाको मृत्यु भएको छ ।
महोत्तरीको गौशाला नगरपालिका १ मा बा ३ ख २३९६ नम्बरको बसले सम्सीबाट जनकपुरधाम आउँदै गरेको मधेश प्रदेश ०१–००४ प ६८ १९ नम्बरको मोटरसाइकललाई ठक्कर दिएपछि मोटरसाइकलमा सवार तीनजनाको मृत्यु भएको हो ।
मृत्यु हुनेमा मोटरसाइकल चालक सिरहा कल्याणपुर नगरपालिका १० का २६ वर्षीय अमृत मण्डल, उनको श्रीमती २४ वर्षीया अञ्जु मण्डल र भतिजी ६ वर्षीया अन्सु मण्डल रहेको प्रहरीले बताएको छ ।
बसलाई प्रहरीले नियन्त्रणमा लिएको छ भने चालक फरार रहेका छन् ।
