काठमाडौं । एसीसी प्रिमियर कपअघि ओमानसँगको अभ्यास खेलमा नेपाल विजयी भएको छ ।
ओमानले दिएको २४७ रनको मध्यम लक्ष्य पछ्याएको नेपालले ४४ ओभरमा ५ विकेट गुमाउँदै पूरा गरेको हो । नेपालको जितमा अर्जुन साउद, कप्तान रोहितकुमार पौडेल र दीपेन्द्रसिंह ऐरीले अर्धशतक प्रहार गरे । अर्जुनले ६७ रन, दीपेन्द्रसींहले ५९ रन र रोहितले ५६ रनमा आउट भए ।
त्यसअघि टस हारेर ब्याटिङमा उत्रिएको ओमानले निर्धारित ५० ओभरमा ९ विकेटको क्षतिमा २४५ रन बनाएको थियो ।
प्रिमियर कप अघि यी दुवै टोलीले अभ्यास खेल खेलेका हुन् । यो खेलले कुनैपनि अन्तर्राष्ट्रिय मान्यता पाउने छैन ।
एसिसी प्रिमियर कप वैशाख ५ देखि १८ गतेसम्म (अप्रिल १८ देखि १ मे) सम्म त्रिवि र मुलपानी मैदानमा हुँदैछ । समूह ए मा नेपाल, ओमान, कतार, मलेसिया र साउदी अरेविया छन् ।
