काठमाडौँ । इन्डियन प्रिमियर लिग (आईपीएल) २०२३ मा आज दुई खेलहरु हँुदैछ । पहिलो खेलमा कोलकाता नाइट राइडर्स र गुजरात टाईटन्स भिड्दैछन् । गुजरातको घरेलु मैदानमा नरेन्द्र मोदी स्टेडियममा हुने खेल नेपाली समय अनुसार दिउँसो ३: ४५ बजेबाट सुरु हुनेछ ।
दुवै टोलीले आफ्नो तेस्रो खेल खेल्दैछन् । गुजरात आजको खेल जितेर आफ्नो अपराजित यात्रा कायम राख्न चाहान्छ । गुजरातले
पहिलो खेलमा चेन्नाई सुपर किंग्स र दोस्रो खेलमा दिल्लीलाई पराजित गरेको थियो ।
यस्तै, कोलकत्ताले दुई खेलमा एकमा जित रएकमा हार बेहोरेको छ । पहिलो खेलमा पन्जाब किंग्ससँग पराजित भएको कोलकत्ताले दोस्रो खेलमा रोयल च्यालेन्जर्स बेंग्लोरलाई हराएको थियो।
यस्तै आज नै हुने दोस्रो खेलमा सनराईजर्स हैदराबाद र पन्जाब किंग्स खेल्दै छन् । राजिब गान्धी क्रिकेट स्टेडियममा हुने खेल नेपाली समयअनुसार ७:४५ बाट सुरु हुनेछ ।
पन्जाबले पहिलो खेलमा कोलकत्ता नाईट राईडर्सलाई र दोस्रो खेलमा राजस्थान रोयल्सलाई पराजित गरेको थियो । आजको खेलमा हैदराबादलाई हराउदै पन्जाब आफ्नो अपराजित यात्रा कायम राख्न चाहन्छ ।
यस्तै, पहिलो खेलमा राजस्थान रोयल्स र दोस्रो खेलमा लखनउ सुपर जायन्ट्ससँग पराजित भएको हैदराबाद आजको खेल जितेर पहिलो अंक जोड्न चाहन्छ ।
