काठमाडौँ । राष्ट्रिय प्रजातन्त्र पार्टी (राप्रपा) का प्रमुख सचेतक ज्ञानेन्द्र शाहीको अभिव्यक्तिप्रति नेकपा (माओवादी केन्द्र) ले नियमापत्ति गरेको छ ।
प्रतिनिधिसभाको बिहीबारको बैठकमा माओवादी केन्द्रका प्रमुख सचेतक हितराज पाण्डले संसद्को आकस्मिक समयमा नेता शाहीको अभिव्यक्तिप्रति नियमापत्ति जनाउनुभएको हो ।
शाहीले संघीयता र प्रदेश देश ठूलो भएको अवस्थामा मात्रै चाहिने उल्लेख गर्दै भन्नुभएको थियो, “आज संघीयता कार्यकर्ता भर्ती गर्ने कहीँ नअटेको व्यक्तिलाई सांसद बनाउने प्रवृत्ति बढ्यो । देश विदेशबाट ऋण ल्याएर संघीयता पाल्न सकिँदैन ।”
उहाँले देशको बढ्दो ऋण र युवा पलायनको विषयमा सरकारले जवाफ दिनुपर्ने बताउनुभयो ।
शाहीको अभिव्यक्ति संसद्को आकस्मिक समयसँग मेल नखाएको भन्दै माओवादी केन्द्रका सांसद पाण्डले नियमापत्ति गरेपछि संसद्को आकस्मिक समयमा यसअघि बसेको प्रतिनिधिसभा बैठकपछि अहिलेसम्म भएगरेका गतिविधि राख्नको लागि आजैबाट लागू गरिएको छ ।
