काठमाडौँ । प्रतिनिधिसभाकी समानुपातिक सांसद मञ्जु शर्मा (अन्सारी)ले आज शपथ लिनुभएको छ ।
समानुपातिक निर्वाचन प्रणालीबाट प्रतिनिधिसभा सदस्य पदमा निर्वाचित शहनाज रहमानको निधन भएपछि रिक्त रहेको स्थानमा अन्सारी सांसद बन्नुभएको हो । उहाँलाई सभामुख देवराज घिमिरेले सिंहदरबारस्थित कानून समितिको हलमा पद तथा गोपनीयताको शपथ गराउनुभएको हो ।
गत मंसिर ४ गते भएको प्रतिनिधिसभा सदस्य समानुपातिक निर्वाचन प्रणालीअन्तर्गत जसपाबाट बन्दसूचीको मुस्लिम क्लस्टरको क्रमसंख्या २ मा अन्सारीको नाम थियो । उहाँसप्तरी निवासी हुनुहुन्छ ।
