एजेन्सी । इन्डियन प्रिमियर लिग (आईपीएल)को १६ औं संस्करण आज शुक्रबाबाट सुरु हुँदैछ । उद्घाटन समारोह साँझ ६ः१५ बजे अहमदाबादको नरेन्द्र मोदी स्टेडियममा सुरु हुनेछ ।
यसपछि साँझ ७ः४५ बजेदेखि साविक विजेता गुजरात टाइटन्स र ४ पटकको विजेता चेन्नई सुपर किंग्सबीच खेल हुनेछ ।
४ वर्षपछि आईपीएलको उद्घाटन समारोह हुनेछ र ३ वर्षपछि घरेलु र अवे ढाँचामा प्रतियोगिता खेलाइनेछ । अर्थात् टोलीले लिगका ७ खेल आफ्नो घरेलु मैदानमा र बाँकी लिग खेल विपक्षी टोलीको घरेलु मैदानमा खेल्नेछन् ।
चारपटकको च्याम्पियन चेन्नई
महेन्द्र सिंह धोनीको कप्तानीमा रहेको चेन्नई सुपर किंग्स टोली प्रतियोगिताको सबैभन्दा सफल टोली मध्ये एक हो । टोलीले प्रतियोगितामा मुम्बईपछि सबैभन्दा बढी ४ उपाधि जितेको छ । टोली १३ मध्ये ११ सिजनमा चेन्नईले प्लेअफको यात्रा तय गदा ९ पटक फाइनल खेलेको छ । गत सिजन १४ मध्ये टोलीले ४ खेल मात्र जित्न सकेको थियो । जसका कारण उसले ९ नम्बरमा रहेर प्रतियोगिता समाप्त गर्नु परेको थियो ।
टोलीमा चार विदेशी खेलाडीमा बेन स्टोक्स, मोइन अली, डेभोन कोनवे, मिचेल सान्टनर र ड्वेन प्रिटोरियमले खेल्न सक्नेछन् । महिश टेकशाना उद्घाटन खेल.को लागि उपलब्ध छैनन् । यिनीहरू बाहेक ऋतुराज गायकवाड, रविन्द्र जडेजा, दीपक चाहर र शिवम दुबेजस्ता भारतीय खेलाडीले पनि टोलीलाई बलियो बनाउनेछन् ।
गुजरातमाथि उपाधि रक्षाको दबाब
गत सिजनमा लखनऊ र गुजरातबाट २ नयाँ टोली थपिएका थिए । दुवै प्लेअफमा पुगेपनि गुजरातले उपाधि जितेर सबैलाई चकित बनायो । यसपटक पनि करिब–करिब सोही खेलाडीसहित टोलीले प्रतियोगिता खेल्दैछ । हार्दिक पाण्ड्याको कप्तानीमा रहेको गुजरातमा राशिद खान, राहुल तेवाटिया जस्ता शीर्ष श्रेणीका अलराउन्डरहरू पनि छन् ।
टोलीका ४ विदेशी खेलाडी म्याथ्यु वेड, केन विलियम्सन, राशिद खान र अल्जारी जोसेफ हुन सक्छन् । डेभिड मिलर उद्घाटन खेलका लागि अनुपलब्ध छैनन् । यिनीहरू बाहेक शुभमन गिल, यश दयाल र मोहम्मद शमी जस्ता शीर्ष श्रेणीका भारतीय खेलाडीहरूले पनि टोलीलाई बलियो बनाउनेछन् ।
हार्दिक पाण्ड्याको कप्तानीमा रहेको गुजरात टाइटन्सको यो दोस्रो सिजन मात्र हो । पहिलो सिजनमा टोलीले सबैलाई चकित पारेको थियो । त्यसपछि दुवै टोली लिग चरणमा दुई पटक आमनेसामने भएका थिए । दुवै खेल गुजरातले जितेको थियो । कोरोनाका कारण पूरै प्रतियोगिता महाराष्ट्रका ३ स्टेडियममा खेलिएको थियो, यस्तो अवस्थामा दुवै टोली महाराष्ट्रमा नै आमनेसामने भएका थिए ।
नरेन्द्र मोदी स्टेडियममा दुवै टोली पहिलो पटक आमनेसामने हुँदैछन् । यस्तो अवस्थामा यी दुईबीचको प्रतिस्पर्धा रोमाञ्चक हुनेछ ।
दुबै टोलीको सम्भावित प्लेइङ – ११
गुजरात टाइटन्सः हार्दिक पाण्ड्या (कप्तान), शुभमन गिल, म्याथ्यू वेड (विकेटकीपर), साई सुदर्शन, केन विलियम्सन, राहुल तेवाटिया, राशिद खान, आर साई किशोर, यश दयाल, अल्जारी जोसेफ र मोहम्मद शामी ।
चेन्नई सुपर किंग्सः महेन्द्र सिंह धोनी (कप्तान र विकेटकीपर), डेभोन कोनवे, ऋतुराज गायकवाड, बेन स्टोक्स, अम्बाती रायडु, मोइन अली, रवीन्द्र जडेजा, शिवम दुबे, ड्वेन प्रिटोरियस/मिचेल सैन्टनर, दीपक चाहर र सिमरजीत सिंह ।
