काठमाडौँ । सत्ता गठबन्धनमा भएको राजनीतिक परिवर्तनसँग बागमती प्रदेश सरकारमा सहभागी नेकपा एमालेले सरकार छाड्ने भएको छ ।
माओवादी केन्द्रले नेतृत्व गरेको सरकारलाई एमालेका ४ मन्त्रीले राजीनामा दिएर आजै सरकार छाड्ने भएका हुन् ।
प्रदेश सभा बैठकमा मुख्यमन्त्री शालिकराम जम्मकट्टेलले विश्वासको मत लिन लागेसँगै एमाले पनि सरकारबाट बाहिरिने तयारी गरेको हो ।
संघीय सरकारबाट एमाले बाहिरिसके पनि कोशी प्रदेश, लुम्बिनी प्रदेश र गण्डकी प्रदेश सरकारमा भने एमालेको नेतृत्व छ ।
