काठमाडौं । नेकपा एकीकृत समाजवादीले राष्ट्रपतिमा नेपाली कांग्रेसका उम्मेदवार रामचन्द्र पौडेललाई मतदान गर्ने निर्णय गरेको छ ।
आलोकनगरस्थित पार्टी केन्द्रिय कार्यालयमा बसेको सचिवालयको बैठकले राष्ट्रपतिमा आठ दलको साझा उम्मेद्वार पौडेललाई मतदान गर्ने निर्णय गरेको प्रवक्ता जगन्नाथ खतिवडाले बताए ।
उनले सरकारमा जाने विषयमा भने छलफल हुन बाँकि रहेको बताए । ‘सरकारमा कसको नेतृत्वमा जाने भन्ने विषयमा छलफल गर्ने बेला नै आइसकेको छैन । त्यसबारे हामीले छलफल गरेका छैनौँ’, खतिवडाले भने ।
