काठमाडौं । यूएईमा जारी विश्वकप लिग–२ अन्तर्गतको त्रिदेशीय सिरीजमा स्पिनर सन्दीप लामिछानेलाई राष्ट्रिय टीममा थप्न आईसीसीले अनुमति दिएको छ ।
नेपाल क्रिकेट संघ(क्यान)ले घाइते रहेका श्याम ढकाल(मौसम) को स्थानमा सन्दीपलाई राख्न मागेको अनुमति अन्तर्राष्ट्रिय क्रिकेट काउन्सिल(आईसिसी)ले स्वीकृत गरेको हो ।
यसअघि उच्च अदालत पाटनले विदेश भ्रमणमा लगाएको प्रतिबन्धको कारण सन्दीपलाई यूएई जाने टोलीमा राखिएको थिएन । सोमबार सर्वोच्च अदालतले प्रतिबन्ध फुकुवा गरेपछि सन्दीप उक्त शृंखला खेल्न यूएई जान लागेका हुन् ।
