एजेन्सी । बलिउडका किंग खान अर्थात शाहरुख खानको फिल्म ‘पठान’ले बक्स अफिसमा एकपछि अर्को रेकर्ड तोडिरहेको छ ।
यसैबीच, उनी आफ्नो आगामी फिल्म ‘जवान’को सुटिङका लागि चेन्नई पुगेका छन् । उनी फिल्मका अभिनेत्री नयनतारालाई भेट्न उनको घर पनि पुगेका थिए, जसको भिडियो सार्वजनिक भएको छ ।
यस भिडियोमा शाहरुख नयनताराको घर बाहिर देखिएका छन् । यस क्रममा उनी कालो पहिरनमा देखा परे । भिडियोमा उनीसँगै नयनतारा पनि देखिएकी छिन् । शाहरुखलाई अभिनेत्रीको घर बाहिर देखेर फ्यानहरु निकै खुसी देखिन्छन् ।
एट्लीको फिल्म जवानमा नयनतारा र शाहरुख खान सँगै देखिनेछन् । यी बाहेक साउथका सुपरस्टार विजय सेतुपति, दीपिका पादुकोण र सान्या मल्होत्रा पनि फिल्ममा महत्वपूर्ण भूमिकामा देखिनेछन् । ‘जवान’ जुन २, २०२३ मा रिलिज हुनेछ ।
