काठमाडौँ । अफगानिस्तानका स्पिनर राशिद खानले ५०० विकेट पुरा गरेका छन् । राशिद खानले आफ्नो करिअरमा अहिलेसम्म कुल ३६८ खेल खेल्दै ५०० विकेट लिएका हुन् ।
दक्षिण अफ्रिका टी–२० मा एमआइ कप टाउनबाट खेल्दै प्रेटोरिया क्यापिटल्सबाट ३ विकेट लिएसँगै राशिदले आफ्नो करिअरको ५०० विकेट पुरा गरेका हुन् ।
राशिदले अफगानिस्तानबाट ७४ टी–२० अन्तर्राष्ट्रिय क्रिकेट खेल्दै १२२ विकेट लिएका छन् भने बाँकी ३७८ विकेट फ़्रेन्चाइजी क्रिकेटमा लिएका हुन् ।
राशिदले २०१५ देखि अहिलेसम्म ३७१ खेलका ३६८ इनिंगमा ५०० विकेट लिएका छन् । राशिद टी–२० क्रिकेटका सबै खेलहरुमा धेरै विकेट लिने खेलाडीको सूचीमा दोस्रो स्थानमा रहेका छन् ।
राशिदभन्दा अगाडी वेस्टइन्डिजका ड्वायन ब्राभो रहेका छन् । ब्राभोले अहिलेसम्म ५५६ खेल खेल्दै ६१४ विकेट लिएका छन् ।
