काठमाडौँ । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले समर्थक र शुभेच्छुकले असहमति जनाउँदा पनि अग्निपरीक्षामा होमिने निर्णयमा पुगेको बताउनुभएको छ ।
उपप्रधानमन्त्रीसहित ऊर्जा, जलस्रोत तथा सिँचाइमन्त्रीका रुपमा सपथ लिन लाग्नुभएका अध्यक्ष लिङ्देनले आज एक ट्विट गर्दै मन्त्रिपरिषद्मा सहभागी हुन गरेको निर्णयलाई लिएर असन्तुष्ट बनेका आफ्ना समर्थकहरुलाई धीरता राख्न अनुरोध गर्नुभएको छ ।
उहाँले लेख्नुभएको छ, “आफ्ना समर्थक तथा शुभेच्छुकहरूको ठूलो पङ्क्तिको असहमतिका बीच पनि यो अग्नि परीक्षामा होमिने निर्णयमा पुगेँ, जो ढिलो या चाँडो मेरा लागि अनिवार्य थियो । प्रिय जनहरू, असम्भव जस्तो लागे पनि म खरो उत्रनेछु१ धैर्यता र सहयोगका लागि अपिल गर्दछु !”
