काठमाडौं । राष्ट्रपति विद्यादेवी भण्डारीको कार्यकाल सकिनै लाग्दा अबको राष्ट्रपति को बन्छ भन्ने चासो सर्वत्र रहेको छ । वर्तमान सत्ता गठबन्धन तयार हुदाँ नेकपा (एमाले)लाई राष्ट्रपति र सभामुख दिने सहमति भएपछि एमाले भित्रबाट को राष्ट्रपति बन्छ भन्ने चासो बढेको हो ।
सत्ताको साँचो लिएर बस्नु भएका एमाले अध्यक्ष केपी शर्मा ओलीले राष्ट्रपति र अर्को प्रमुख पद सभामुखमा कसलाई पठाउने भन्ने बारेमा पार्टीका केही नेताहरुसँग छलफल गर्नुभएको छ ।
एमाले स्रोतका अनुसार राष्ट्रपतिका लागि वर्तमान राष्ट्रपति भण्डारीलाई नै दोहोर्योउन कानून स्पष्ट नभएकाले सर्वोच्च अदालतबाट व्याख्या गराउने बारेमा पनि छलफल भएको छ ।
यसैगरी नेत्री अष्टलक्ष्मी शाक्य, सुवास नेम्वाङ पनि राष्ट्रपतिका लागि इच्छुक देखिनुभएको छ । नेम्वाङले त आफू अब पुनः सभामुख नबन्ने अभिव्यक्ति सार्वजनिक गरिसक्नुभएको छ ।
एमाले स्रोतका अनुसार बागमती प्रदेशका पूर्वमुख्यमन्त्री डोरमणि पौडेल र मोरङका गुरु बरालमध्ये एक जना भावी राष्ट्रपति बन्न सक्छन् ।
