काठमाडौँ । नेकपा (एकीकृत समाजवादी)का अध्यक्ष माधवकुमार नेपालले आफूहरुको प्राथमिकतामा सरकार नरहेको बताएका छन् ।
पार्टी निकट युवा संगठनले आयोजना गरेको बधाई कार्यक्रममा पार्टी अध्यक्ष नेपालले आफूहरुको ध्यान देश र जनताको हितमा रहेको भन्दै सरकार गौण विषय रहेको बताएका हुन् । नेपालले भने, ‘सत्ता सत्ता सत्ता बाहेक केहि नदेख्ने चिन्तन हामीमा छैन । हाम्रो ध्यान देश र जनताको हितमा छ ।’
यस्तै, आफ्नो पार्टी कुनैपनि अलमलमा नपरेको बताउँदै सरकारले कस्तो नीति तथा कार्यक्रम बनाउने हो त्यसपछि धारणा आउने बताए ।
‘प्रचण्डजीको अनुहार हेरेपछि समर्थन गर्ने भनिदिउँला । कुराकानी हुन्छ । छलफल हुन्छ । अनि संस्थागत निर्णय हुन्छ ।’ नेपालले भने ।
