काठमाडौँ । नेपाली कांग्रेसका सभापति शेरबहादुर देउवाले प्रधानमन्त्री बन्न पार्टीभित्र पहल सुरु गर्नुभएको छ । प्रधानमन्त्री बन्न सर्वप्रथम नेपाली कांग्रेसको संसदीय दलका नेता बन्नुपर्ने भएकाले उहाँले त्यसका लागि पहल सुरु गर्नुभएको हो ।
छैटौँ पटक प्रधानमन्त्री बन्न उहाँले संसदीय दलको नेता चुनिनुपर्ने वैधानिकता पूरा गर्न बाँकी छ । पार्टीका पूर्वमहामन्त्री शशांक कोइरालासँग देउवाले आफूलाई सघाउन कोइरालाको सचिवालयले जनाएको छ । देउवाले अहिलेसम्म दलको नेतामा औपचारिक दाबी गर्नुभएको थिएन । यद्यपि उहाँले शीर्ष नेताहरुसँग छलफल सुरु गर्नुभएको छ ।
कोइराला र देउवाबीच भएको भेटमा प्रतिनिधिसभा निर्वाचित भएकामा दुवैले एकआपसमा बधाई आदानप्रदान गर्दा प्रधानमन्त्री देउवाले सहयोगका लागि आग्रह गर्नुभएको बताइएको छ । यसअघि नै उहाँले आफूनिकट पूर्णबहादुर खड्का र ज्ञानेन्द्रबहादुर कार्कीलगायतका नेतालाई पार्टीभित्र र बाहिर आफ्नै नेतृत्वमा सरकार गठन गर्न पहल गर्न खटाइसक्नुभएको छ ।
