वीरगञ्ज । पर्सा क्षेत्र नम्बर १ मा जनता समाजवादी पार्टी (जसपा)का प्रदीप यादव निर्वाचित भएका छन् ।
पूर्व वन तथा वातावरणमन्त्री समेत रहेका यादवले २२ हजार ५ सय ३७ मत ल्याएर निर्वाचित भएका हुन् ।
उनका प्रतिद्वन्दी नेपाली कांग्रेसका बागी उम्मेदवार अजयकुमार द्विवेदीले २० हजार ९ सय १७ मत पाए । तेस्रो स्थानमा राप्रपाका किरणमान डंगोलले २ हजार ६५१ मत ल्याए भने लोसपाका नेता लक्ष्मणलाल कर्णले १ हजार ११७ मत पाए ।
२०७४ को निर्वाचनमा पनि यादव प्रतिनिधिसभा सदस्यमा निर्वाचित भएका थिए । त्यतिबेला उनले २१ हजार १३२ मत ल्याएका थिए ।
