काठमाडौं । काठमाडौं निर्वाचन क्षेत्र नं ४ मा मतणना नसकिँदै नेपाली कांग्रेसका गगन थापा विजयी भएका छन् । नेकपा एमालेका राजन भट्टराईलाई भारी मतान्तरले पछि पार्दै उनी सांसद निर्वाचित भएका हुन् ।
अहिलेसम्म यस क्षेत्रमा ४३ हजार ३ सय ९६ मतको गणना सकिएको छ । यहाँ ४८ हजार ८५९ मत खसेको थियो । अब ५ हजार ४ सय ६३ मत गन्न बाँकी छँदा गगनको अग्रता ६ हजार ८३४ पुगिसकेको छ ।
अहिलेसम्मको गणनामा गगनले २० हजार ४१७ मत ल्याएका छन् भने एमालेका भट्टराईको १३ हजार ३२ मत छ । यस्तै राप्रपाको ३ हजार ६ सय ९३ र लौरोको ११ सय ३३ मत आएको छ । यद्यपि, गगनले विजयको औपचारिक घोषणाका लागि केही समय प्रतिक्षा गर्नुपर्ने छ ।
