सुर्खेत । नेकपा एमाले अध्यक्ष केपी शर्मा ओली निर्वाचन लक्षित जनसभालाई सम्बोधन गर्न आइतबार कर्णाली आउने भएका छन् ।
एमालले कर्णालीका तीन जिल्लामा आयोजना गर्न लागेको जनसभालाई सम्बोधन गर्न ओली सुर्खेत आउन लागेका हुन् ।
अध्यक्ष ओलीले कालिकोट, दैलेख र सुर्खेतमा आयोजित चुनावी सभालाई सम्बोधन गर्ने कार्यतालिका रहेको छ । जनसभामा चर्चित लोक गायक बद्री पंगेनीसहितका कलाकारको सांस्कृतिक प्रस्तुतिसमेत रहने छ ।
सुर्खेत क्षेत्र नं. २ ‘क’ प्रदेशसभा सदस्यका उम्मेदवार यामलाल कँडेललगायतका नेताहरूले जनसभालाई सम्बोधन गर्ने कार्यक्रम छ ।
अध्यक्ष ओली कालिकोट, दैलेखमा आयोजित जनसभालाई सम्बोधन गरेर दिउँसो २ बजे सुर्खेत आउने बताइएको छ ।
