एजेन्सी । आइसीसी टी–२० पुरुष विश्वकप अन्तर्गत भारत र जिम्बावेबीचको खेल जारी छ ।
मेलबर्न क्रिकेट ग्राउन्डमा भारतले टस जितेर ब्याटिङ थाल्दै जिम्बावेलाई १८७ रनको लक्ष्य दिएको छ ।
भारतले २० ओभरमा ५ विकेटको क्षतिमा १८६ रन जोड्यो । भारतका लागि सुर्यकुमार यादवले २५ बलमा ६१ रनको अर्धशतकीय इनिङ्स खेले । उनले ६ चौका र ४ छक्का प्रहार गरे ।
यस्तै, के एल राहुलले ३५ बलमा ५१ रनको अर्धशतकीय इनिङ्स खेले । उनले ३ चौका र ३ छक्का प्रहार गरे । रोहित शर्माले १३ बलमा १५, विराट कोहलीले २५ बलमा २६ तथा हार्दिक पाण्ड्याले १८ बलमा १८ रन बनाए ।
जिम्बावेका सिन विलियम्सले २ तथा शिकन्दर राजा, रिचर्ड एन्गरवा र ब्लेसिङ मुजारावानीले एक–एक विकेट लिए ।
