सिड्नी । श्रीलंकाका ब्याट्सम्यान दानुष्का गुणतिलकालाई सिड्नीको पूर्वी क्षेत्रमा यौन दुर्व्यवहारको आरोपमा प्रहरीले पक्राउ गरेको छ ।

साताको सुरुमा रोज बेको एक निवासमा २९ वर्षीया महिलामाथि यौन दुर्व्यवहार भएको रिपोर्टमा प्रहरीले अनुसन्धान गरेपछि उनलाई सिड्नीको एक होटलबाट आइतबार बिहान पक्राउ गरेको हो ।

“ती महिलाले एक अनलाइन डेटिङ एप्लिकेसनमार्फत धेरै दिनसम्म उनीसँग कुराकानी गरेपछि गुणतिलकासँग भेटिन, त्यसपछि बुधबार नोभेम्बर २ को साँझ उसले यौन दुर्व्यवहार गरेको आरोप छ”, न्यु साउथ वेल्स प्रहरीको विज्ञप्तिमा भनिएको छ, “जारी अनुसन्धानको एक भागका रूपमा हिजो रोज बेको ठेगानामा विशेषज्ञ पुलिसद्वारा अपराध स्थलको जाँच गरिएको थियो।”

“थप सोधपुछपछि, एक ३१ वर्षीय श्रीलंकाली क्रिकेटर गुणतिलकालाई आज (आइतबार) नोभेम्बर ६ बिहान १ बजेतिर सिडनीको ससेक्स स्ट्रिटमा रहेको एउटा होटलमा पक्राउ गरिएको थियो। उनलाई सिड्नी सिटी पुलिस स्टेशनमा लगियो र सहमतिबिना चारवटा यौन सम्बन्धको आरोप लगाइएको छ”, विज्ञप्तिमा भनिएको छ, “श्रीलंकाली नागरिक गुणतिलकालाई आज एभीए (श्रव्य दृश्य लिङ्कहरू) मार्फत पारामाटा बेल अदालतमा उपस्थित हुन जमानत अस्वीकार गरिएको छ ।”

यो खबर सार्वजनिक भएपछि श्रीलंका क्रिकेट (एसएलसी)ले आइतबार बिहान विज्ञप्ति जारी गरेको छ । गुणतिलकालाई सिड्नीमा एक महिलाको यौन दुर्व्यवहारको आरोपमा पक्राउ गरिएको आइसीसीले सूचित गरेको श्रीलंका क्रिकेटले पुष्टि गरेको छ र

“एसएलसीले अदालतमा भएको प्रक्रियालाई नजिकबाट अनुगमन गर्नेछ र आईसीसीसँग परामर्श गरी यस मामिलामा द्रुतरूपमा विस्तृत अनुसन्धान सुरु गर्नेछ र दोषी पाइएमा खेलाडी विरुद्ध कडा कारबाही गर्नेछ”, विज्ञप्तिमा उल्लेख छ ।

गुणतिलका ह्यामस्ट्रिङको चोटका कारण टी–२० विश्वकपको पहिलो चरणबाट बाहिरिएका थिए । उनको स्थानमा टोलीमा अर्कै खेलाडी समावेश भए पनि उनी अष्ट्रेलियाको टोलीमा नै रहे ।

नोभेम्बर २०१५ मा आफ्नो अन्तर्राष्ट्रिय डेब्यू गरेदेखि उनले श्रीलंकाका लागि आठ टेस्ट, ४७ एकदिवसीय र ४६ टी–२० खेलिसकेका छन् ।

आइतबार एससीजीमा भएको समूह चरणको अन्तिम खेलमा इंग्ल्याण्डसँग पराजित भएपछि श्रीलंकाको प्रतियोगिता समाप्त भएको छ ।
क्रिकइन्फोको सहयोगमा