एजेन्सी । च्याम्पियन्स लिग फुटबलमा इटालियन क्लब इन्टर मिलानले जित निकालेको छ ।
समूह चरण अन्तर्गत मंगलबार राति भएको खेलमा इन्टरले स्पेनिस क्लब बार्सिलोनालाई १-० ले हराएको हो ।
इन्टरको जितमा हाकन काल्हानोग्लुले निर्णायक गोल गरे । उनले पहिलो हाफको इन्जुरी समयमा गोल गरे ।
खेलको दोस्रो हाफमा बार्सिलोनाका पेड्रीको गोलले मान्यता पाएन । गोल अघिको फउलको कारण भीएआरमा उनको गोल खेर गयो ।
जितसँगै ३ खेलमा ६ अंक जोडेको इन्टर समूह सी को दोस्रो स्थानमा रहेको छ ।
बार्सिलोना ३ अंकसहित समूहको तेस्रो स्थानमा रहेको छ ।
