काठमाडौँ । नेपाली कांगेसको शेखर कोइराला नेतृत्वको समूहले सभापति शेर बहादुर देउवालाई समानुपातिक र प्रत्यक्षतर्फको टिकट वितरणको सूची सच्याउन आज साँझसम्मको समय दिएको छ ।
टिकट वितरणमा समान न्याय तथा ४० प्रतिशत भाग पाउनुपर्ने मागसहित संघर्षमा उत्रिएको सो समूहको नेतृत्व गरिरहेका नेता गुरुराज घिमिरेले आज साँझ ५ बजेसम्म पार्टी नेतृत्वलाई समानुपाकि सूची सच्याउने समय दिइएको बताएका छन् ।
समान न्याय नभएमा देशब्यापी विद्रोह गर्ने चेतावनी समेत सो समूहले दिइसकेको छ । शेखर समूहले ४० प्रतिशत माग्दा देउवा भने ३० प्रतिशत मात्र दिन तयार भएका छन् ।
घिमिरेले ट्वीटरमा भनेका छन्– ‘नेपाली कांग्रेसका लागि सुचि सच्याउने समय आज ५ बजेसम्म भएकाले पार्टीद्वारा प्रस्तावित अन्तिम सुचिको प्रतिक्षामा रहेको जानकारी गराउँदछु। जय नेपाल !!’
निर्वाचन आयोगमा समानुपातिकतर्फको बन्द सूचीलाई अन्तिम रुप दिन आइतबार सम्मको समय रहेको छ ।
