काठमाडौं । न्याय परिषद्ले सर्वोच्च अदालतका लागि ३ जना न्यायाधीशको नाम सिफारिस गरेको छ ।
हिजोबाट निरन्तर बसेको परिषद्को बैठकले तुल्सीपुर उच्च अदालतकी मुख्य न्यायाधीश नीता गौतम दिक्षीत,जनकपुर उच्च अदालतका कायममुकायम मुख्य न्यायाधीश विनोद शर्मा र त्रिभुवन विश्व विद्यालयका सहप्राध्यापक तथा नेपाल ल क्याम्पसका डिन डीएन पराजुलीलाई नियुक्तीको सिफारिस गरेकाे हो ।
न्याय परिषद्को सिफारिसमा संसदीय सुुनुवाईले अनुमोदन गरी राष्ट्रपतिबाट नियुक्ति हुने संवैधानिक व्यवस्था छ ।
डिएन पराजुली नेकपा माओवादी केन्द्रका अध्यक्ष प्रचण्डको कोटाबाट न्यायाधीश नियुक्त भएका परिषद्को स्रोतले जानकारी दियो ।
यसअघि ठूलो न्यायाधीशको जमातलाई ओभरटेक गरी निता गौतम दिक्षितलाई निलम्बित प्रधानन्यायाधीश चोलेन्द्र शम्शेर जबराले मुख्य न्यायाधीश नियुक्त गरेका थिए । भने जबराले नै बिनोद शर्माको मुख्य न्यायाधीशको मुखैमा पुगेको गास खोसेर तिलप्रसाद श्रेष्ठलाई कनिष्टबाट मुख्य न्यायाधीश बनाएर अन्याय गरेका थिए । उनलाई यसले न्याय प्राप्त गरेको छ ।
