काठमाडौँ । कुवेत जान लागेका ३९ महिलालाई नियन्त्रणमा लिइएको छ । भिजिट भिसामा जान लागेका उनीहरुलाई त्रिभुवन अन्तर्राष्ट्रिय विमानस्थलमा नियन्त्रणमा लिइएको हो ।
त्रिभुवन अन्तर्राष्ट्रिय विमानस्थलको सुरक्षा कार्यालयले शंकास्पद कागजपत्र बोकेर जान लागेको देखिएपछि उनीहरुलाई पक्राउ गरी माइती नेपाललाई जिम्मा लगाएको बताइएको छ ।
मानव तस्करीमा संलग्न समूहले उनीहरुलाई कुवेत लैजान लागेको आशंका गरिएको विमानस्थलको सुरक्षा कार्यालयले जनाएको छ । बुधबार बिहान ३ बजे जजीरा एयरको उडानमार्फत कुवेत जान लागेका उनीहरुसँग भिजिट भिसाका लागि आवश्यक कागजात थिएन ।
