काठमाडौं । देशभर पछिल्लो २४ घण्टामा थप २६३ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार तीन हजार १६५ जनामा गरिएको परीक्षणमा सो संख्यामा संक्रमण पुष्टि भएको हो ।
एक हजार ३९९ पीसीआर परीक्षणमा १६२ र एक हजार ७६६ एन्टिजेन परीक्षणमा १०१ जनामा संक्रमण देखिएको मन्त्रालयले जनाएको छ ।
पछिल्लो २४ घण्टामा कोरोना संक्रमणमुक्त हुनेको संख्या ५०१ रहेको छ भने यसको संक्रमणका कारण पछिल्लो २४ घण्टामा दुई जनाको निधन भएको छ ।
हाल नेपालमा सक्रिय संक्रमितको संख्या पाँच हजार ४३४ पुगेको छ ।
