काठमाडौं । देशभर पछिल्लो २४ घण्टामा थप एक हजार ९० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार छ हजार ३०० जनामा गरिएको परीक्षणमा सो संख्यामा संक्रमण पुष्टि भएको हो ।
दुई हजार ९५८ पीसीआर परीक्षणमा ५६० र तीन हजार ३४२ एन्टिजेन परीक्षणमा ५३० जनामा संक्रमण देखिएको मन्त्रालयले जनाएको छ ।
पछिल्लो २४ घण्टामा कोरोना संक्रमणमुक्त हुनेको संख्या ४३८ रहेको छ भने यसको संक्रमणका कारण पछिल्लो २४ घण्टामा दुई जनाको निधन भएको छ ।
हाल नेपालमा सक्रिय संक्रमितको संख्या पाँच हजार ८०६ पुगेको छ ।
