काठमाडौं । राप्रपाले काठमाडौंसहित देशभरका सबै जिल्लामा भ्रष्टाचारविरुद्धमा कालोपट्टी लगाएर विरोध प्रदर्शन गरेको छ ।
बुधबार पार्टीनिकट सबै जनवर्गीय संगठनको संयुक्त आयोजनामा कालोपट्टी बाँधेर प्रदर्शन गरिएको राप्रपा प्रवक्ता तथा प्रचार विभाग प्रमुख मोहन श्रेष्ठले जानकारी दिए ।
दोश्रो चरणको संघर्षको दोश्रो कार्यक्रमको रुपमा राप्रपाले आज भ्रष्टाचारको विषयलाई लिएर प्रदर्शन गरेको हो । साउन ११ देखि शुरु भएको दोश्रो चरणको संघर्षको कार्यक्रम साउन ३१ गतेसम्म जारी रहने प्रवक्ता श्रेष्ठले जानकारी दिए ।
‘विभिन्न २२ शुत्रीय माग राखेर गत असार १ गते प्रधानमन्त्रीलाई ज्ञापनपत्र बुझाएको राप्रपा आफ्ना मागहरू पुरा गराउन दबाबमूलक संघर्षमा रहेको छ ।’ प्रवक्ता श्रेष्ठले भने ।
