काठमाडौंः पछिल्लो समय समुदायस्तरमा फैलिएको कोरोनाभाइरस संक्रमणबाट पछिल्लो २४ घण्टामा दुई जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार, देशभर पाँच हजार २५ जनाको आरटी पिसिआर र एन्टीजेन परीक्षण गर्दा थप ७१० जनामा कोभिड पुष्टी भएको हो ।
यस बीचमा २१५ जना डिस्चार्ज भएका छन् । मन्त्रालयका अनुसार हाल देशभर चार हजार २३६ जना सक्रिय संक्रमित छन् ।
पछिल्लो २४ घण्टामा देशभर ५९ हजार ४७१ जनाले कोभिड विरुद्धको खोप लगाएका छन् ।
नेपालमा कोभिड संक्रमणबाट हालसम्म ११ हजार ९६२ जनाको मृत्यु भइसकेको छ ।
खोप अभियान सुरु भएयता हालसम्म चार करोड ९२ लाख ७९ हजार ६८६ मात्रा खोप लगाइएको छ । भारत, चीन, अमेरिका समेतका मुलुकबाट नेपालले हालसम्म पाँच करोड ८८ लाख ९१ हजार ९७० मात्रा खोप प्राप्त गरिसकेको छ ।
