काठमाडौं । चलचित्र विकास बोर्डका नवनियुक्त अध्यक्ष भुवन केसीले बुधबार पदभार ग्रहण गरेका छन् । चावहिलस्थित चलचित्र विकास बोर्डको कार्यालयमा पदभार ग्रहण गर्दै उनले चाँडै चलचित्र क्षेत्रका समस्याहरु सुन्न सर्वपक्षीय सम्मेलन आयोजना गर्ने बताए ।
उनले सम्मेलनबाट निस्किने निस्कर्षका आधारमा कार्यान्वयनतर्फ अघि बढ्ने आफ्नो योजना रहेको उनले बताए ।
केसीले आफ्नो तन, मन, धन नै चलचित्रकर्मीको उत्थान र विकासका लागि भएको र आफु शहिद भएर चलचित्र क्षेत्र राम्रो हुन्छ भने त्यसका लागि पनि तयार रहेको बताएका छन् ।
सोमबार बसेको मन्त्रिपरिषद् बैठकबाट केसी अध्यक्षमा नियुक्त भएका हुन् ।
