काठमाडौँ । प्रहरी महानिरीक्षक (आईजीपी) नियुक्तिमा वरिष्ठता मिचेर आफूमाथि अन्याय भएको भन्दै अतिरिक्त प्रहरी महानिरीक्षक (एआईजी) विश्वराज पोखरेलले दायर गरेको मुद्दामा सर्वोच्च अदालतले आलटाल गरेको छ ।
पोखरेलको मुद्दालाई लम्ब्याएर उनलाई घर पठाउने सार्वजनिक चर्चालाई पुष्टि हुने गरी सर्वोच्चले उनको मुद्दालाई लम्ब्याउने गरी मंगलबार सुनुवाइ गरेको छ ।
पोखरलको मुद्दाको पूर्ण सुनुवाइका लागि पेशी तोकिएको भए पनि त्यसअघि पूर्वडीआईजीहरु ईश्वरबाबु कार्की, प्रकाशजंग कार्की र घनश्याम अर्यालको मुद्दाको पेशी चढेको थियो ।
न्यायाधीश विश्वम्भर श्रेष्ठ र कुमार चुँडालको इजलासले गत वैशाख १९ गते अवकाश भइसकेका तत्कालीन ती डीआईजीहरुको मुद्दाको सुनुवाइ गर्दै एआईजी पोखरेलको मुद्दासँगै एकैपटक राखेर हेर्ने आदेश दिएपछि उनको मुद्दा लम्बिने भएको हो ।
आइजीपी नियुक्त गर्दा वरिष्ठता मिचेर आफूलाई अपूरणीय क्षति भएको भन्दै एआईजी पोखरेलले रिट दायर गरेका थिए । पोखरेल आगामी साउनमा अवकाश हुँदैछन् ।
