काठमाडौं । अमेरिका भ्रमणमा जान लागेका नवनियुक्त परराष्ट्रमन्त्री नारायण खड्काले आफ्नो प्राथमिकतामा मिलेनियम च्यालेन्ज कर्पोरेसन (एमसीसी) नरहेको बताएका छन् । नवनियुक्त परराष्ट्रमन्त्री खड्काले आफु राष्ट्रसंघ महासभामा भाग लिन जान लागेको र एमसीसी प्राथमिकता लिस्टमा नरहेको जानकारी दिएका हुन् ।
संयुक्त राष्ट्रसंघको महासभामा भाग लिने नेपाली प्रतिनिधिमण्डलको नेतृत्व गर्दै आजै नवनियुक्त परराष्ट्रमन्त्री खड्का न्यूयोर्कतर्फ प्रस्थान गर्ने कार्यक्रम छ । नवनियुक्त परराष्ट्रमन्त्री खड्काले राष्ट्रसंघ महासभामा भाग लिनुका साथै साइडलाइन मिटिङका क्रममा सार्क देशका परराष्ट्रमन्त्रीहरुसँग भेटवार्ता गर्ने कार्यक्रम पनि रहेको छ ।
नवनियुक्त परराष्ट्रमन्त्री खड्काले आजै मात्र प्रधानमन्त्री शेरबहादुर देउवा, सभामुख अग्निप्रसाद सापकोटा, राष्ट्रियसभाका अध्यक्ष गणेशप्रसाद तिमिल्सिनालगायतको उपस्थितीमा पद तथा गोपनियताको सपथ लिएका थिए ।
