काठमाडौं । आज पनि नेपाली कांग्रेसले पदाधिकारी तथा पूर्वपदाधिकारी बैठक राखेको छ। महाधिवेशन तयारीबारे छलफल गर्न अपरान्ह ३ बजे कांग्रेस संसदीय दलको कार्यालय सिंहदरबारमा बैठक बस्ने भएको हो ।
कांग्रेसले मंसिर ९ देखि १३ सम्म केन्द्रीय महाधिवेशन गर्ने कार्यतालिका बनाएको छ । बुधबार पनि कांग्रेसले पदाधिकारी तथा पूर्वपदाधिकारी बैठक राखेको थियो। वडा अधिवेशन सकिएका जिल्लाहरूमा असोज ९ मै पालिका अधिवेशन गर्ने कांग्रेसको निर्णय छ।
उक्त निर्णयमा निर्वाचन समितिले असहमति राखेपछि आज निर्वाचन समिति र पदाधिकारी तथा पूर्वपदाधिकारी राखेर बैठक गर्न लागिएको स्रोतको दाबी छ।
