विवेकशील साझालाई पहिलो सफलता
विवेकशील साझा पार्टीले स्थानीय तहको निर्वाचनमा पहिलो सफलता हासिल गरेको छ । बाराको फेटा गाउँपालिकामा सो पार्टीबाट अध्यक्षका उम्मेदवार रुस्तम अन्सारी निर्वाचित भएका छन् ।
एउटा वडाको मत गन्न बाँकी छँदै उनको विजय सुनिश्चित भएको हो । उनले आफ्ना निकटतम प्रतिद्वन्द्वी नेकपा (एमाले) का उम्मेदवार अमिरीलाल प्रसादलाई दुई हजार मतले पछाडि पारेका छन् ।
मतगणना भइरहेको वडामा अब केबल ८०० मत गणना हुन बाँकी छ । अन्सारीले अहिलेसम्म चार हजार ८० मत प्राप्त गरिसकेका छन्।
बाराको फेटा गाउँपालिकामा आफ्नो विजय सुनिश्चित गरेको छ । स्थानीय तह निर्वाचनको इतिहासमा विवेकशीलले पहिलोपटक जित निकाल्न लागेको हो ।
सो गाउँपालिकामा उपाध्यक्षमा पनि विवेकशील साझा पार्टीकै नीलम साह झन्डै एक हजार ५०० मतले अगाडि छिन् । उनको पनि जित करिब सुनिश्चि भएको छ । स्थानीय तह निर्वाचनको इतिहासमै विवेकशील साझा पार्टीले पहिलोपटक जित निकाल्न लागेको हो ।
