राजविराज । सिके राउत नेतृत्वको जनमत पार्टीले स्थानीय तह निर्वाचनमा अर्को जित हासिल गरेको छ । सप्तरीको बलान बिहुल गाउँपालिका अध्यक्षमा सो पार्टीका उम्मेदवार खेमचन्द्र यादव निर्वाचित भएका हुन् । सप्तरी राउतको गृहजिल्ला पनि हो ।
यादवले दुई हजार ९९४ मत ल्याएका छन् । उनका निकटतम प्रतिस्पर्धी नेपाली कांग्रेसका उम्मेदवार नवीनकुमार झाले दुई हजार २४७ मत प्राप्त गरे । सो गाउँपालिकाको उपाध्यक्षमा पनि जनमत पार्टीका उम्मेदवार निर्वाचित भएका छन् ।
जनमत पार्टीकी रेणु यादव दुई हजार ६९० मत प्राप्त गरी निर्वाचित भइन् । उनका प्रतिद्वन्द्वी कांग्रेसकै आशादेवी मण्डलले दुई हजार ३०४ मत ल्याइन् ।
यसअघि जनमत पार्टी सप्तरीकै हनुमाननगर कंकालिनी नगरपालिका प्रमुखमा विजय भएको थियो । सो नगरपालिकामा जनमत पार्टीका वीरेन्द्र माझी निर्वाचित भएका छन् ।
