वीरगञ्ज । पर्साको कालिकामाई गाउँपालिकामा २१ वर्षीय युवा अध्यक्षमा निर्वाचित भएका छन् । जनता समाजवादी पार्टी (जसपा) का तर्फबाट अध्यक्ष पदमा निर्वाचित वशिष्ट गुप्ता २१ वर्षका छन् ।
उनले स्थानीय तहको निर्वाचनमा गाउँपालिका अध्यक्षमा तीन हजार ७४३ मत ल्याए । उनका निकटतम प्रतिद्वन्द्वी नेपाली कांग्रेसका अजय पटेलले तीन हजार ६२६ मत प्राप्त गरे । गुप्ताले पटेललाई ११७ मतान्तरले पराजित गरेका हुन् ।
त्यस्तै उपाध्यक्ष पदमा कांग्रेसकी राजमती बरैनी निर्वाचित भइन् । राजमतीले तीन हजार ९८२ मत ल्याउँदा उनका निकटतम प्रतिद्वन्द्वी जसपाकी सहानी खातुनले तीन हजार ८५९ मत प्राप्त गरिन् ।
कालिकामाई गाउँपालिकामा पाँच वडा रहेका छन् । निर्वाचनमा तीनवटा वडाको अध्यक्षमा जसपा, एउटा कांग्रेस र अर्को नेकपा ९एमाले० ले जित हासिल गरेका छन् ।
