काठमाडौं । चितवनको भरतपुर महानगरपालिकाको मेयरमा फेरि नेकपा (माओवादी केन्द्र)की रेणु दाहालले अग्रता लिएकी छन् ।
सोमबार दिनभर नेकपा एमालेका उम्मेदवार विजय सुवेदीले अग्रता बनाएपनि साँझतिर भने रेणुले अग्रता लिएकी हुन् ।
१५ हजार ३१ मत गणना हुँदा रेणुले पाँच हजार ३९ मत पाएकी छन् भने विजयले पाँच हजार २७ मत ल्याएका छन् । त्यस्तै स्वतन्त्र उम्मेदवार जगन्नाथ पौडेलले दुई हजार ५५ मत ल्याएका छन् ।
उपप्रमुखमा नेपाली कांग्रेसका चित्रसेन अधिकारीले ६ हजार ४३ मत ल्याउँदा राप्रपा उम्मेदवार हिमला गुरुङले चार हजार ४२ मत पाएकी छन् ।
