काठमाडौं । कांग्रेस नेता राहुल गान्धीको एक भिडियो मङ्गलबार बिहानैदेखि भाजपा नेताहरूको निशानामा छ।
भिडियोमा राहुल गान्धी पार्टीमा महिलासँग कुरा गरिरहेको देखिन्छ । भिडियो शेयर गर्दै बीजेपी नेता कपिल मिश्राले लेखेका छन्– को हुन् चिन्नुहोस्, को हुन् यी व्यक्ति ?
भारतका कानूनमन्त्री किरेन रिजिजुले पनि ट्विट गर्दै भनेका छन्, “पार्टी, बिदा, रमाइलो यात्रा, निजी विदेश यात्रा यो देशका लागि नयाँ रहेन । कुनै पनि नागरिकले यसो गरेमा कुनै समस्या छैन । तर जब सांसद र राजनीतिक दलका नेताले यस्तो गर्छन्।।।”
भारतीय जनता पार्टी (बीजेपी) का प्रवक्ता शहजाद जयहिन्दले पनि ट्विट गर्दै भनेका छन्, “राजस्थान जलिरहेको छ तर बाबा पार्टी गरिरहेका छन्। पार्टी (कांग्रेस) समाप्त हुन्छ तर पार्टी यसरी चल्छ । यो पार्टी यसरी नै चल्छ । पार्टी समय नेता ।”
कांग्रेस नेता रणदीप सुरजेवालाले यस विषयमा प्रतिक्रिया दिँदै भने, “राहुल गान्धी हाम्रो मित्र राष्ट्र नेपाल गएका छन् र आफ्नो साथीको विवाह कार्यक्रममा सहभागी हुन गएका छन् । प्रधानमन्त्री मोदीजस्तै राहुल गान्धी पाकिस्तानका प्रधानमन्त्रीलाई केक काट्न निमन्त्रित अतिथिको रूपमा गएका छैनन् ।”
भिडियोबारे प्रतिक्रिया
पत्रकार सम्मेलनमा रणदीप सुरजेवालाले भने, “आज बिहान मैले जाँच गर्दा आफन्त, साथीभाइको विवाह समारोहमा स्वतन्त्ररूपमा सहभागी हुन पाउने यो देशको कानून थियो । राहुल गान्धी एक निजी कार्यक्रममा सहभागी हुन मित्रराष्ट्र नेपाल गएका छन् । आजसम्म यो देशमा साथीभाइसँग उठेर बस्न, उत्सवमा सहभागी हुनु अपराध बनेको छैन । भोलिदेखि घरधनी बन्नु, विवाह समारोहमा भाग लिनु अपराध हुन सक्छ, किनभने राष्ट्रिय स्वयंसेवक दल (आरएसएस) लाई मन पर्दैन। त्यसैले तपाईंहरुले ट्विट गरेर अवश्य बताउनुहुनेछ ताकि हामीले हाम्रो स्टेटसलाई त्यसरी परिवर्तन गर्न सकौँ।”
राहुल गान्धीको भिडियोमा बीजेपी आईटी सेल प्रमुख अमित मालवीय लगायत धेरै व्यक्तिहरूको प्रतिक्रिया पनि आइरहेको छ।
तर केही व्यक्तिले राहुल गान्धीको पार्टीमा उपस्थितिलाई लिएर भएको हल्लालाई अर्थहीन भनेका छन् ।
मणिकम ट्यागोरले ट्विट गरेका छन्, “यदि राहुल गान्धी रिसेप्शनमा देखिए, यसमा के गलत छ रु राहुल गान्धीसँग किन यति डर लाग्छ साथी रु सार्थीहरूले किन झूट फैलाइरहेका छन् रु हामी सबै निजी समारोहमा जान्छौं।”
गान्धी आफ्नो नेपाली साथी सुम्निमा उदासको विवाह कार्यक्रममा सहभागी हुन सोमबार नयाँ दिल्लीबाट काठमाडौँ आइपुगेका हुन् ।
नक्सालस्थित मेरियट होटलमा बसेका गान्धीलाई ठमेलस्थित लर्ड अफ ड्रिङ्क्स (एलओडी) क्लबमा रमाइरहेको देखिएपछि उनीबारे भारतमा राजनीतिक मुद्दा बनेको थियो ।
Rahul Gandhi was at a nightclub when Mumbai was under seize. He is at a nightclub at a time when his party is exploding. He is consistent.
Interestingly, soon after the Congress refused to outsource their presidency, hit jobs have begun on their Prime Ministerial candidate… pic.twitter.com/dW9t07YkzC
— Amit Malviya (@amitmalviya) May 3, 2022
बिबिसी हिन्दीको सहयोगमा
