काठमाडौं । परराष्ट्रमन्त्री नारायण खड्कासहितको प्रतिनिधिमण्डल स्वदेश फर्किएको छ । संयुक्त राष्ट्रसंघको ७६ औं महासभामा भाग लिन गएका परराष्ट्रमन्त्री खड्कासहितको प्रतिनिधिमण्डल आज स्वदेश फर्किएको हो ।
परराष्ट्रमन्त्री खड्कासहितको प्रतिनिधिमण्डल आउने भएपछि त्रिभुवन विमानस्थलमा पत्रकार सम्मेलन समेत आयोजना गरिएको थियो ।
आयोजित पत्रकार सम्मेलनमा परराष्ट्रमन्त्री खड्काले महासभामा मानवअधिकार रक्षाबारे, कोरोना महामारी, र दिगो विकास जस्ता विषयमा छलफल भएको बताएका थिए । परराष्ट्रमन्त्रीको सपथ लिएकै दिन असोज ६ गते उनी न्यूयोर्क प्रस्थान गरेका थिए ।
