काठमाडौं । नेकपा (एमाले)का अध्यक्ष केपी शर्मा ओलीले सत्तारुढ गठबन्धन एमालेसँग तर्सिएको प्रतिक्रिया दिएका छन् ।
एमालेको नयाँ केन्द्रीय कार्यालय च्यासलमा आज आयोजित स्थापना दिवसको कार्यक्रमलाई सम्बोधन गर्दै पूर्वप्रधानमन्त्री समेत रहेका ओलीले सो कुरा बताएका हुन् ।
अध्यक्ष ओलीले भने ‘अहिलेको गठबन्धन एमालेसँग तर्सिएर, यसलाई रातभरि ऐठन हुन्छ, झस्क्या–झस्कै गर्छ, राति सुत्यो कि एमालेलाई झल्याक्क सम्झिन्छ झस्याङ्ग हुन्छ । सुत्यो कि यसलाई ऐठन हुन्छ । किनभने यो डराउँछ एमालेसँग ।’
ओलीले नेपाली कांग्रेसका वरिष्ठ नेता रामचन्द्र पौडेललाई कटाक्ष गर्दै अगाडी भने, ‘ एकजना नेताले गठबन्धन देखेर एमाले थरथर काँप्छ भनेर भनेछन् । भेटे भने म तिनलाई सोध्न मन छ, ‘यो तिमि आफैंलाई पत्यार छ ?’ अदालतले जोडिदिएको थोत्रो टालोसँग एमाले डराउँछ रे ।’
