काठमाडौं । नेकपा (एमाले)का अध्यक्ष केपी शर्मा ओलीले हरेक मानिसको मन मुटुमा एमाले रहेको बताएका छन् ।
एमालेको नयाँ केन्द्रीय कार्यालय च्यासलमा आज आयोजित स्थापना दिवसको कार्यक्रमलाई सम्बोधन गर्दै पूर्वप्रधानमन्त्री समेत रहेका ओलीले सो कुरा बताएका हुन् ।
अध्यक्ष ओलीले भने ‘आजका बालबालिकाले आफ्ना दाई–दिदी, बुबा–आमा, हजुरबुबा–हजुरआमालाई जस्तै नेकपा एमालेलाई माया गर्छन् । सोध्यो भने बालबालिकाले ‘आई लव यु नेकपा एमाले’ भन्छन् । एमालेलाई बालबालिकाले पनि लव गर्छन्, माया–आदर गर्छन् । किनभने बालबालिका यस्तो निश्चल चिज हो, निष्कपट चिज हो उसले स्वार्थको हिसाब गर्दैन ।’
