काठमाडौँ । भारतमा पछिल्ला केही दिनमा कोरोना भाइरसको प्रकोप बढेको छ । पछिल्ला हप्ताहरुमा कोरोनाको प्रकोप लगभग प्रभावहीन भएका अवस्थामा अहिले केही दिनयता भने यहाँ कारोना भाइरसका संक्रमितहरु बढ्दै गएको पाइएको छ ।
नेपालसँग बढी सम्पर्क रहेका स्थानहरु नयाँ दिल्ली र उत्तर प्रदेशमा कोरोना भाइरको प्रकोप बढ्दै गएको छ । जसका कारण यहाँका सरकारहरुले आवश्यक मापदण्डहरु अपनाउन थालिएको छ । तर यहाँ लकडाउन नै अहिले गर्ने विषयमा भने छलफल भएको छैन । यहाँ एकै दिनमा २ हजार १८३ जना कोरोनाका संक्रमित भेटिएका छन् । एकै दिनमा ९० प्रतिशतभन्दा बढी मात्रामा कोरोना बढेको देखिएको बताइएको छ । यहाँ आवश्यक कडाइको प्रक्रिया थालिएको छ ।
भारतमा यसरी कोरोन बढेपछि यता नेपालामा पनि चस्को पसेको छ । नेपालमा अझै पनि एक चौथाइले कुनै खोप लिएका छैनन् । पूर्ण खोप लिएकाले पनि लामो समयसम्म नलिँदा समस्या बढ्ने गर्दछ । पछिल्लो समयमा नेपामला खोप लिनेमा सुस्तता देखिएको छ । विगतमा पनि उता भारतमा कोरोना बढेसँगै नेपालमा पनि बढेको थियो । यसअघिका सबै लहरहरु भारतबाटै आएकाले यता पनि त्यस्तै हुनसक्ने भन्दै त्रास बढेको देखिएको छ ।
