![](https://newspolar.com/wp-content/uploads/2022/03/russ_PnJyj9Spxm.webp)
एजेन्सी । युक्रेनविरुद्ध रुसको आक्रमण बुधबार सातौं दिन पनि जारी छ । खार्किभ लगायत धेरै ठूला सहरलाई निशाना बनाइएको छ ।
२४ घण्टामा भएका आक्रमणमा कम्तीमा २१ जनाको मृत्यु भएको छ भने ११२ जना घाइते भएका छन् ।
आज बिहान रुसी प्याराट्रूपर्सले खार्किभको एक अस्पतालमा आक्रमण गरेका छन् । रुसी सेनाले खेरसन सहर पनि आफ्नो कब्जामा लिएको छ । यसैबीच, युक्रेनी राष्ट्रपति जेलेन्स्कीले युद्धमा अहिलेसम्म करिब ६ हजार रुसी सैनिक मारिएको दाबी गरेका छन् ।
यसअघि मंगलबार राति रुसी सेनाले राजधानी कीभको टिभी टावरमा मिसाइल हमला गरेको थियो । यस आक्रमणमा ५ जनाको मृत्यु भएको थियो । यहुदीहरूको नरसंहारको सम्झनामा निर्माण गरिएको बेबिन यार होलोकास्ट मेमोरियल सेन्टरमा पनि रुसले हवाई आक्रमण गरेको थियो।