पोखरा । नेकपा एमाललेका १२ जना नेताले पोखरा महानगरपालिकाको मेयर दाबी गरेका छन् । यसै गरी उपमेयरमा ९ जनाले दाबी गरेका छन् । मेयर र उपमेयरमा आकांक्षी बढेपछि एमाले पोखराले आन्तरिक चुनावबाट उम्मेदबार तय गर्ने भएको छ । आन्तरिक चुनाबका लागि आकांक्षीहरुले उम्मेदबारी दर्ता गराएका छन् ।
मेयरका लागि केन्द्रीय सदस्यहरु मीनाकुमारी गुरुङ, भीम कार्की, कृष्णबहादुर थापा, राजीव पहारी र प्रदेश उपसचिव रश्मि आचार्य, प्रा .डा विश्वकल्याण पराजुली, पोखरा १३ का वडाध्यक्ष दर्शन लामा, नेताहरु पुष्पज्योति दुंगाना, पुष्पराज अधिकारी, दीपक पौडेल, बालसिंह काउछा मगर र सावित्री भण्डारीले उम्मेदवारी दर्ता गराउनु भएको छ ।
यसैगरी उपमेयरमा विनकुमारी गुरुङ, सुष्मा पौडेल, देवका पहारी त्रिपाठी, टिकाराम पंगेनी, तेजनारायण अधिकारी, जीवन प्रसाद आचार्य, बलराम गायक, शोभामोहन पौडेल र बामदेव ढुंगानाले उम्मेदवारी दर्ता गराउनु भएको छ ।
पोखरा महानगर कमिटी १ सय १० सदस्यीय छ। उनिहरुले मतदान प्रक्रिया मार्फत पार्टीका तर्फबाट पोखराको मेयर र उपमेयरको उम्मेदबार चयन गर्नेछन् ।
