काठमाडौं । अध्यक्ष केपी शर्मा ओलीले आगामी स्थानीय तह निर्वाचनमा सत्तारुढ पाँचदलीय गठबन्धनलाई आफ्नो पार्टी एक्लैले हराउने दावी गर्नु भएको छ ।
अध्यक्ष ओलीले आफ्नो पार्टीसँग भिड्न मिलेर आउन पनि सत्तारुढ पाँचदलीय गठबन्धनलाई चुनौति दिनु भयो । बुधबार सुनसरीको इनरुवामा पार्टीद्धारा आयोजित आमसभामा बोल्दै उहाँले जतिसुकै दल मिलेर भिडेपनि जित भने एमालेकै हुने दावी गर्नु भयो । उहाँले भन्नु भयो, ‘गठबन्धन गरेर कोको आउने हो । सबै मिलेर आउन । हामी एक्लै लड्न सक्छौं । एक्लै पराजित गर्न सक्छौं ।’
ओलीले आफ्नी छोरी रेणु दाहाललाई चितवनबाट जिताउन माओवादी केन्द्रका अध्यक्ष पुष्पकमल दाहाललाई गठबन्धन चाहिएको आरोप समेत लगाउनु भयो । पाँच दलीय गठबन्धन, ६ दलीय गठबन्धनलाई विचराहरु भन्दै उहाँले अलपत्र अवस्थामा रहेको पनि बताउनु भयो ।
ओलीले सत्तारुढ गठबन्धन खिईदै गएको उल्लेख गर्दै नडगराई चुनावी मैदानमा जुट्न पनि पार्टीका नेता, कार्यकर्तालाई सचेत गराउनु भयो । कार्यक्रममा सुनसरी भोक्राहा नरसिंह गाउँपालिकाका अध्यक्ष समेत रहेका जसपा नेता महेन्द्रप्रसाद यादव एमाले प्रवेश गर्नु भएको थियो ।
