डोटी । विगत तीन महिनादेखि प्रमुख जिल्ला अधिकारी विहीन बनेको डोटी जिल्लामा गृह मन्त्रालयले शङ्करबहादुर विष्टलाई प्रजिअ तोकेको छ । निमित्तका भरमा सञ्चालन भइरहेको जिल्ला प्रशासन कार्यालयमा मन्त्रालयले विष्टलाई प्रजिअ तोकेको हो ।
यसअघि विष्टले जिल्लामा सहायक प्रमुख जिल्ला अधिकारी भएर कामकाज सञ्चालन गर्नुभएको थियो ।
प्रमुख जिल्ला अधिकारी सुनिल खनाल गत असारमा गृह मन्त्रालयमा सरुवा हुनुभएको थियो । यसपछि निमित्त प्रजिअ किरण जोशीले कामकाज चलाउँदै आउनुभएको थियो । प्रजिअ र प्रशासकीय अधिकृतसमेत नहुँदा जिल्लामा काम गर्न निकै समस्या भएको थियो ।
