काठमाडौं । नेकपा माओवादीका नेता एबं अर्थमन्त्री जनार्दन शर्माले पार्टीका नेता वर्षमान पुन गठबन्धन भाड्न सक्रिय रहेको आरोप लगाउनु भएको छ ।
प्राईम टेलिभिजनको जनता जान्न चाहान्छन् कार्यक्रमलाई दिनु भएको एक अन्तरवार्तामा मन्त्री शर्माले पुन प्रति आरोप लगाउदै भन्नुभयो “वर्षमान पुन र म साथी साथी हौं, सहयोद्धा हौं । उहाँसँग मेरो सम्बन्ध राम्रै छ । तर उहाँ एमालेसँग तालमेलमा जान चाहनुहुन्छ । हामी यही गठबन्धनलाई बलियो बनाउने पक्षमा छौं । यो कुरा उहाँलाई मन परेको छैन । त्यसैले गठबन्धनको विरोध गर्न गभर्नर निलम्बनमार्फत छिर्नुभएको हो ।”
वर्षमान पुनलाई यसबाट कुनै राजनीतिक लाभ नहुने पनि शर्माले दाबी गर्नुभयो । उहाँले भन्नुभयो “वर्षमानले त्यो कुरा व्यक्तिगत र पार्टीगत रुपमा भन्नुभएको छैन, पत्रिकामार्फत भन्नुभएको छ । यो उहाँको बुझाइको समस्या हो । उहाँले आफूलाई राजनीतिक फाइदा हुन्छ भनेर निलम्बनको आलोचना गर्नुभएको होला । तर उहाँलाई केही पनि फाइदा हुँदैन ।”
आफूले पुनलाई महासचिब बन्न नरोकेको दाबी गर्दे उहाँले भन्नुभयो “मैले उहाँलाई महासचिव हुनोस् भनेको हुँ । मैले रोकेर उहाँ महासचिव हुन नपाउने हो र रु महासचिव को बन्ने भन्ने कुरा रहर गरेर मात्र हुँदैन । यसको निश्चित विधि र प्रक्रिया हुन्छ । कार्यकर्ताको चाहना पनि हो ।”
