काठमाडाैं । भारतका लागि नेपालका राजदूत डा शङ्करप्रसाद शर्मा आफ्नो जिम्मेवारी सम्हाल्न आज नयाँ दिल्ली पुग्नुभएको भारतस्थित नेपाली राजदूतावासले जनाएको छ ।
नेपाल सरकारले नीलाम्बर आचार्यलाई फिर्ता बोलाएपछि लामो समयदेखि भारतका लागि नेपाली राजदूत पद खाली रहेको थियो । सरकारले शर्मासँगै बेलायतका लागि ज्ञानचन्द्र आचार्य र अमेरिकाका लागि श्रीधर खत्रीलाई राजदूतमा सिफारिस गरेको थियो ।
तर आचार्य र अमेरिकाबाट सम्बन्धित राजदूतहरुको एग्रिमो आए पनि भारतबाट शर्माको एग्रिमो आउन निकै समय लागेको थियो । भारतले राजदूतमा शर्माको नामलाई स्वीकृति दिएपछि राजदूत शर्माले हालै राष्ट्रपति विद्यादेवी भण्डारीसमक्ष पद तथा गोपनीयताको सपथ लिनुभएको थियो ।
