काठमाडौँ । परराष्ट्रमन्त्री डा नारायण खड्काको निमन्त्रणामा परराष्ट्रमन्त्री डा नारायण खड्काको निमन्त्रणामा तीन दिवसीय नेपाल भ्रमणका क्रममा स्टेट काउन्सिलर तथा जनवादी गणतन्त्र चीनका विदेशमन्त्री वाङ यी काठमाडौँ आइपुग्नुभएको छ । सोमबार पाकिस्तान पुग्नुभएका विदेशमन्त्री यी भ्रमणका सिलसिलामा भारत हुँदै शुक्रबार नेपाल आइपुग्नुएको हो ।
उहाँको भ्रमण टोलीमा २५ सदस्य रहेका छन् । नेपालमा रहँदा उहाँ द्वारिका होटलमा बस्नुहुनेछ । उहाँको औपचारिक कार्यक्रम भोलि शनिबारदेखि सुरु हुनेछ ।
शनिबार बिहान उहाँले आफ्ना नेपाली समकक्षी परराष्ट्रमन्त्री डा खड्कासँग द्विपक्षीय वार्ता गर्नुहुनेछ । यसअघि उहाँ बिहानै शिवपुरी हाइकिङमा जानुहुनेछ । त्यसपछि दिउँसो उहाँले प्रधानमन्त्री निवास बालुवाटारमा प्रधानमन्त्री शेरबहादुर देउवासँग शिष्टाचार भेट गर्नुहुनेछ ।
आइतबार बिहान ९ः३० मा उहाँले राष्ट्रपति विद्यादेवी भण्डारीसमक्ष शिष्टाचार भेट गर्ने कार्यक्रम रहेको छ । सोही दिन बिहान ११ बजे विदेशमन्त्री यीले होटल मेरियटमा पूर्वप्रधानमन्त्री एवं नेकपा (एमाले)का अध्यक्ष केपी शर्मा ओलीसँग द्विपक्षीय भेट गर्नुहुनेछ । सो अवसरमा अध्यक्ष ओलीको टोलीमा उपाध्यक्षसहित सात सदस्य रहनुहुने बताइएको छ ।
सोही दिन उहाँले नेकपा (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल प्रचण्डसँग पनि द्विपक्षीय भेट गर्नुहुनेछ ।सनिबार बिहान उहाँ शिवपुरी हाइकिङ गर्नुहुनेछ ।
यसअघि पनि यीले नेपाल भ्रमणका क्रममा चन्द्रागिरिको हाइकिङ गर्नुभएको थियो । दिउँसो उहाँले पोखरा अन्तर्राष्ट्रिय विमानस्थलको भर्चुअल उद्घाटन गर्ने कार्यक्रम रहेको छ ।
